#s2news #raghunandanrao #bjp దుబ్బాక లో బిజెపి ఎమ్మెల్యే గా రఘునందన్ రావు గెలుపు రాష్ట్ర రాజకీయాలను మార్చింది అని మిజోరం మాజీ గవర్నర్ కుమ్మనం రాజశేకరన్ అన్నారు. దుబ్బాక ఉప ఎన్నికల గెలుపు బిజెపి కి తెలంగాణ లో పునాదిలాంటిదని పేర్కొన్నారు. సిద్దిపేట జిల్లా దుబ్బాక క్యాంపు కార్యాలయంలో ఎమ్మెల్యే రఘునందన్ రావు తో కలిసి మిజోరం మాజీ గవర్నర్ కుమ్మనం రాజశేకరన్ ప్రెస్ మీట్ నిర్వహించారు. ఈ సందర్భంగా ఆయన మాట్లాడుతూ తెలంగాణ రాష్ట్రంలో క్షేత్ర స్థాయి పరిశీలన కోసం 119 నియోజకవర్గాలకు ఒక్కో నియోజకవర్గానికి ఒక్కో సీనియర్ నాయకులను పంపడం జరిగిందని తెలిపారు. అందులో భాగంగానే దుబ్బాక నియోజకవర్గంలో తాను రెండు రెండు రోజుల పర్యటన ఉందన్నారు. విద్య, వైద్యం, చేనేత, వ్యవసాయ, కార్మిక రంగాలతో పాటు పలు గ్రామాల్లో పర్యటించి పూర్తి నివేదికను కేంద్రానికి అందజేస్తామన్నారు. తెలంగాణ రాష్ట్ర ప్రజలు మార్పు కోరుకున్నారని అందుకు దుబ్బాక గెలుపే నిదర్శనం అన్నారు. 2023 లో తెలంగాణ లో బిజెపి గెలుపే లక్ష్యంగా నాయకులు, కార్యకర్తలు కృషి చేయాలని కోరారు. రాష్ట్రపతి ఎన్నికల్లో టిఆర్ఎస్ పార్టీ యశ్వంత్ సిన్హా కు మద్దతు ఇస్తామని చెప్పడం కాంగ్రెస్, టిఆర్ఎస్ భవిష్యత్తు రాజకీయాలకు కలయిక అన్నారు. సిఎం స్వంత జిల్లా లోనే రఘునందన్ రావు బిజెపి జెండా ఎగురవేసినప్పుడు రానున్న ఎన్నికల్లో రాష్ట్రంలో బిజెపి జెండా ఎగరడం ఖాయం అన్నారు. ఈ సందర్భంగా ఆయన ను స్థానిక ఎమ్మెల్యే రఘునందన్ రావు పుష్పగుచ్చం ఇచ్చి శాలువాతో సన్మానించారు. ఈ కార్యక్రమంలో బిజెపి నాయకులు బాలేష్ గౌడ్, ఎస్ఎన్ చారి, శ్రీనివాస్, ప్రవీణ్, వెంకట్ గౌడ్ తదితరులు పాల్గొన్నారు. ... https://www.youtube.com/watch?v=VGaKGTFa4JE